1ܘܒܵܗَܣ ܐܵܢܝܼ ܡܸܢܕܝܼܵܢܹ̈ܐ ܕܟܬܸܒܼܠܵܘܟܼܘܿܢ ܐܸܠܝܼ؛ ܨܦܵܝܝܼ ܝَܠܵܗ̇ ܠܐَܢܵܫܵܐ ܕܒܒܲܟܼܬܵܐ ܠܵܐ ܕܵܩܸܪ. 2ܐܸܠܵܐ ܣܵܒܵܒ ܕܙܵܢܝܘܼܬܵܐ؛ ܟܠ ܐَܢܵܫܵܐ ܕܵܒܸܩ ܒܲܟܼܬܹܗ؛ ܘܟܠ ܒܲܟܼܬܵܐ ܕܵܒܼܩܵܐ ܓܵܒܼܪܘܼܗܿ. 3ܓܲܒܼܪܵܐ ܠܒܲܟܼܬܹܗ ܗ̇ܘ ܕܝܼܠܹܗ ܘܵܓ̰ܸܒ ܦܲܪܸܥ. ܗܲܕܟܼܵܐ ܐܘܼܦ ܒܲܟܼܬܵܐ ܠܓܲܒܼܪܘܼܗܿ. 4ܒܲܟܼܬܵܐ ܠܲܝܬ ܠܵܗܿ ܗܘܼܟܡܵܐ ܥܲܠ ܦܲܓܼܪܵܐ ܕܓܵܢܘܼܗܿ؛ ܐܸܠܵܐ ܓܵܒܼܪܘܼܗܿ. ܗܲܕܟܼܵܐ ܐܘܼܦ ܓܲܒܼܪܵܐ ܠܲܝܬ ܠܹܗ ܗܘܼܟܡܵܐ ܥܲܠ ܦܲܓܼܪܵܐ ܕܓܵܢܹܗ؛ ܐܸܠܵܐ ܒܲܟܼܬܹܗ. 5ܒܲܣ ܠܵܐ ܙܵܠܡܝܼܬܘܿܢ ܚܲܕَ ܠܗ̇ܘ ܐَܚܹܪَܢܵܐ؛ ܡܵܓܲܪ ܐܝܼܡܲܢ ܕܬܸܪܘܵܘܟܼܘܿܢ ܗܵܘܝܼܬܘܿܢ ܒܚܲܕَ ܪܸܙܵܝܵܐ ܩܵܐ ܚܲܕَ ܙܲܒܼܢܵܐ؛ ܕܝܵܗَܒܼܝܼܬܘܿܢ ܓܵܢܵܘܟܼܘܿܢ ܠܨܠܘܿܬܵܐ؛ ܘܡܸܢَܕܪܸܫَ ܐܵܬܝܼܬܘܿܢ ܡܸܚܕܵܕܹ̈ܐ؛ ܕܠܵܐ ܓ̰ܵܪܸܒ ܠܵܘܟܼܘܿܢ ܣܵܛܵܢܵܐ ܒܸܝܲܕ ܠܵܐ ܚܡܵܠܬܵܘܟܼܘܿܢ. 6ܐܝܼܢܵܐ ܐܵܗܵܐ ܒܹܐܡܵܪܵܐ ܝܘܸܢ ܒܝܵܗَܒܲܠܬܵܐ ܕܕܲܣܬܘܼܪ؛ ܠܵܐ ܡ̣ܢ ܦܘܼܩܕܵܢܵܐ. 7ܣܵܒܵܒ ܐܵܢܵܐ ܒܸܒܲܥܝܵܐ ܝܘܸܢ ܕܟܠܵܝܗܝ ܒܢܲܝ̈ܢܵܫܵܐ ܗܵܘܝܼ ܐܲܝܟܼ ܕܝܼܝܼ. ܐܸܠܵܐ ܟܠ ܐَܢܵܫܵܐ ܐܝܼܬ ܠܹܗ ܚܲܠܥܲܬ ܕܓܵܢܹܗ ܡ̣ܢ ܐܲܠܵܗܵܐ؛ ܐܝܼܬ ܕܗܲܕܟܼܵܐ؛ ܘܐܝܼܬ ܕܗܲܕܟܼܵܐ. 8ܐܝܼܢܵܐ ܒܹܐܡܵܪܵܐ ܝܘܸܢ ܠܐܵܢܝܼ ܕܠܲܝܬ ܠܗَܘܿܢ ܒܲܟܼܬܵܬܹ̈ܐ؛ ܘܠܲܐܪ̈ܡܸܠܝܵܬܹܐ؛ ܕܨܦܵܝܝܼ ܝَܠܵܗ̇ ܐܸܠܵܝܗܝ ܐܸܢ ܦܵܝܫܝܼ ܐܲܝܟܼ ܕܝܼܝܼ. 9ܐܝܼܢܵܐ ܐܸܢ ܠܹܐ ܚܵܡܠܝܼ؛ ܓܵܒܼܪܝܼ. ܣܵܒܵܒ ܒܘܼܫ ܨܦܵܝܝܼ ܝَܠܵܗ̇ ܠܸܓܒܼܵܪܵܐ ܡ̣ܢ ܠܸܩܝܵܕܵܐ. 10ܐܝܼܢܵܐ ܠܓܒܼܝܼܪܹ̈ܐ ܦܵܩܘܿܕܹܐ ܝܘܸܢ؛ ܠܵܐ ܐܵܢܵܐ؛ ܐܸܠܵܐ ܡܵܪܝܼ؛ ܕܒܲܟܼܬܵܐ ܡ̣ܢ ܓܲܒܼܪܘܼܗ̇ ܠܵܐ ܦܵܪܫܵܐ؛ 11ܘܐܸܢ ܦܵܪܫܵܐ؛ ܦܵܝܫܵܐ ܕܠܵܐ ܓܲܒܼܪܵܐ؛ ܝܲܢ؛ ܣܲܙܓܸܪܵܐ ܥܲܡ ܓܲܒܼܪܘܼܗܿ. ܘܓܲܒܼܪܵܐ ܠܒܲܟܼܬܹܗ ܠܵܐ ܫܵܒܸܩ. 12ܐܝܼܢܵܐ ܠܐܚܹܪَܢܹܐ ܒܹܐܡܵܪܵܐ ܝܘܸܢ؛ ܐܵܢܵܐ؛ ܠܵܐ ܡܵܪܝܵܐ؛ ܐܸܢ ܐܝܼܬ ܐܵܚܘܿܢܵܐ ܕܐܝܼܬ ܠܹܗ ܒܲܟܼܬܵܐ ܠܵܐ ܡܗܘܼܡܸܢܬܵܐ؛ ܘܗ̇ܝ ܒܲܥܝܵܐ ܕܥܵܡܪܵܐ ܥܲܡܹܗ؛ ܠܵܐ ܫܵܒܸܩ ܠܵܗܿ. 13ܘܒܲܟܼܬܵܐ ܗ̇ܝ ܕܐܝܼܬ ܠܵܗܿ ܓܲܒܼܪܵܐ ܠܵܐ ܡܗܘܼܡܢܵܐ؛ ܘܗ̇ܘ ܒܲܥܝܹܐ ܕܥܵܡܸܪ ܥܲܡܵܗܿ؛ ܠܵܐ ܫܵܒܼܩܵܐ ܠܓܲܒܼܪܘܼܗܿ. 14ܣܵܒܵܒ ܡܩܘܼܕܫܵܐ ܝܠܹܗ ܓܲܒܼܪܵܐ ܠܵܐ ܡܗܘܼܡܢܵܐ ܒܒܲܟܼܬܹܗ. ܘܡܩܘܕܸܫܵܐ ܝَܠܵܗ̇ ܒܲܟܼܬܵܐ ܠܵܐ ܡܗܘܼܡܸܢܬܵܐ ܒܐܵܚܘܿܢܵܐ. ܘܐܸܢ ܠܵܐ؛ ܒܢܘܼܢܵܝ̈ܗܝ ܛܲܡܹ̈ܐܐ ܗَܘܵܘ؛ ܐܝܼܢܵܐ ܐܵܕܝܼܵܐ ܡܩܘܼܕܫܹܐ ܝܢܵܐ. 15ܐܝܼܢܵܐ ܐܸܢ ܗ̇ܘ ܕܠܹܐ ܝܠܹܗ ܡܗܘܼܡܢܵܐ ܦܵܪܸܫ؛ ܦܵܪܸܫ. ܠܹܐ ܝܠܹܗ ܙܲܒܛ ܐܵܚܘܿܢܵܐ ܝܲܢ ܚܵܬܵܐ ܒܐܵܢܝܼ ܕܐܲܝܟܼ ܕܐܲܢܹܐ؛ ܠܫܠܵܡܵܐ ܩܸܪܝܲܢ ܝܼܠܹܗ ܐܲܠܵܗܵܐ. 16ܣܵܒܵܒ ܕܵܐܟܼܝܼ ܒܝܼܕܲܥܝܵܐ ܝܘܲܬܝ؛ ܒܲܟܼܬܵܐ؛ ܐܸܢ ܠܓܲܒܼܪܵܟܼܝ ܒܸܬ ܡܲܚܸܝܲܬܝ؛ ܝܲܢ ܐܲܢَܬ؛ ܓܲܒܼܪܵܐ؛ ܕܵܐܟܼܝܼ ܒܝܼܕܲܥܝܵܐ ܝܘܸܬ؛ ܐܸܢ ܠܒܲܟܼܬܘܼܟ ܒܸܬ ܡܲܚܸܬ؛ 17ܐܸܠܵܐ ܟܠ ܐَܢܵܫܵܐ ܐܲܝܟܼ ܘܦܘܼܠܝܼܥܠܹܗ ܐܸܠܹܗ ܡܵܪܝܵܐ؛ ܘܐَܢܵܫܵܐ ܐܲܝܟܼ ܕܩܪܹܐܠܹܗ ܐܲܠܵܗܵܐ؛ ܗܲܕܟܼܵܐ ܚܵܕܸܪ. ܘܐܘܼܦ ܓܵܘ ܟܠܵܝܗܝ ܥܹܕܵܬܹ̈ܐ ܗܲܕܟܼܵܐ ܦܵܩܘܿܕܹܐ ܝܘܸܢ. 18ܐܸܢ ܟܲܕ ܓܙܝܼܪܵܐ ܦܸܫܠܹܗ ܩܸܪܝܵܐ ܐَܢܵܫܵܐ؛ ܠܵܐ ܕܵܝܸܪ ܠܥܘܼܪܠܘܼܬܵܐ. ܘܐܸܢ ܒܥܘܼܪܠܘܼܬܵܐ ܦܸܫܠܹܗ ܩܸܪܝܵܐ؛ ܠܵܐ ܦܵܝܸܫ ܓܙܝܼܪܵܐ. 19ܓܙܘܼܪܬܵܐ ܠܹܐ ܝَܠܵܗ̇ ܡܸܢܕܝܼ؛ ܘܥܘܼܪܠܘܼܬܵܐ ܠܹܐ ܝَܠܵܗ̇ ܡܸܢܕܝܼ؛ ܐܸܠܵܐ ܢܛܵܪܬܵܐ ܘܦܘܼܩܕܵܢܹ̈ܐ ܕܐܲܠܵܗܵܐ. 20ܟܠ ܐَܢܵܫܵܐ ܒܩܪܵܝܬܵܐ ܕܦܸܫܠܹܗ ܩܸܪܝܵܐ؛ ܒܝܼܵܗܿ ܥܲܪܩܸܠ. 21ܩܘܼܠܵܐ ܦܸܫܠܘܼܟܼ ܩܸܪܝܵܐ؛ ܠܵܐ ܗܵܘܝܵܐ ܠܘܼܟܼ ܚܲܡ؛ ܐܸܠܵܐ ܐܘܼܦ ܐܸܢ ܡܵܨܸܬ ܕܗܵܘܸܬ ܐܵܙܵܕ؛ ܒܘܼܫ ܙܵܘܕܵܐ ܡܲܦܠܸܚ ܠܵܗܿ. 22ܣܵܒܵܒ ܗ̇ܘ ܕܩܘܼܠܵܐ ܦܸܫܠܹܗ ܩܸܪܝܵܐ ܒܡܵܪܲܢ؛ ܐܵܙܵܕ ܕܡܵܪܝܵܐ ܝܠܹܗ. ܗܲܕܟܼܵܐ ܐܘܼܦ ܗ̇ܘ ܕܐܵܙܵܕ ܦܸܫܠܹܗ ܩܸܪܝܵܐ؛ ܩܘܼܠܵܐ ܕܡܫܝܼܚܵܐ ܝܠܹܗ. 23ܒܛܝܼܡܵܐ ܦܸܫܠܵܘܟܼܘܿܢ ܙܒܼܝܼܢܹܐ؛ ܠܵܐ ܗَܘܹܐܡܘܿܢ ܩܘܼܠܹܐ ܕܒܢܲܝ̈ܢܵܫܵܐ. 24ܐܵܚܘܿܢܘܵܬܝܼ̈؛ ܟܠ ܐَܢܵܫܵܐ ܒܗܵܠ ܕܦܸܫܠܹܗ ܩܸܪܝܵܐ؛ ܒܝܼܵܗ ܥܲܪܩܸܠ ܠܟܸܣ ܐܲܠܵܗܵܐ. 25ܐܝܼܢܵܐ ܒܵܗَܣ ܕܒܬܘܼܠܵܬܹ̈ܐ ܦܘܼܩܕܵܢܵܐ ܕܡܵܪܝܵܐ ܠܲܝܬ ܠܝܼ؛ ܐܝܼܢܵܐ ܪܵܐܝܝܼ ܒܝܼܵܗَܒܼܵܐ ܝܘܸܢ ܐܲܝܟܼ ܐَܢܵܫܵܐ ܕܦܸܫܠܝܼ ܟܘܼܪܡܸܢܵܐ ܡ̣ܢ ܡܵܪܝܵܐ ܕܗܵܘܸܢ ܡܗܘܼܡܢܵܐ. 26ܒܲܣ ܒܸܚܫܵܒܼܵܐ ܝܘܸܢ ܕܐܵܗܵܐ ܨܦܵܝܝܼ ܝَܠܵܗ̇ ܒܘܼܬ ܐܵܢܵܢܩܹܐ ܕܐܵܗܵܐ ܙܲܒܼܢܵܐ؛ ܨܦܵܝܝܼ ܝَܠܵܗ̇ ܠܒܲܪܢܵܫܵܐ ܕܗܲܕܟܼܵܐ ܗܵܘܹܐ. 27ܐَܣܝܼܪܵܐ ܝܘܸܬ ܒܒܲܟܼܬܵܐ؛ ܠܵܐ ܒܲܥܝܸܬ ܪܲܦܵܝܬܵܐ. ܫܸܪܝܵܐ ܝܘܸܬ ܡ̣ܢ ܒܲܟܼܬܵܐ؛ ܠܹܐ ܝܘܸܬ ܒܸܚܛܵܝܵܐ؛ ܘܐܸܢ ܒܬܘܼܠܬܵܐ ܓܵܒܼܪܵܐ؛ ܠܹܐ ܝَܠܵܗ̇ ܒܸܚܛܵܝܵܐ. 28ܐܝܼܢܵܐ ܐܘܼܠܨܵܢܵܐ ܒܦܲܓܼܪܵܐ ܒܸܬ ܗܵܘܹܐ ܠܐܵܢܝܼ ܕܗܲܕܟܼܵܐ ܝܢܵܐ. ܘܐܵܢܵܐ ܡܘܼܚܲܒܢܵܘܟܼܘܿܢ ܒܹܐܬܵܝܝܼ ܝَܠܵܗ̇. 29ܐܝܼܢܵܐ ܐܵܗܵܐ ܒܹܐܡܵܪܵܐ ܝܘܸܢ؛ ܐܵܚܘܿܢܘܵܬܝܼ̈؛ ܕܙܲܒܼܢܵܐ ܟܸܪܝܵܐ ܝܠܹܗ؛ ܡܐܵܕܝܼܵܐ ܝَܠܵܗ̇ ܕܐܵܢܝܼ ܕܐܝܼܬ ܠܗَܘܿܢ ܒܲܟܼܬܵܬܹ̈ܐ؛ ܗܵܘܝܼ ܐܲܝܟܼ ܕܠܲܝܬ ܠܗَܘܿܢ؛ 30ܘܐܵܢܝܼ ܕܒܵܟܼܝܼ؛ ܐܲܝܟܼ ܕܠܵܐ ܒܵܟܼܝܼ؛ ܘܐܵܢܝܼ ܕܚܵܕܝܼ؛ ܐܲܝܟܼ ܕܠܵܐ ܚܵܕܝܼ؛ ܘܐܵܢܝܼ ܕܙܵܒܼܢܝܼ؛ ܐܲܝܟܼ ܠܵܐ ܗَܘܝܹܐ ܡܵܪܵܘܵܬܹܐ. 31ܘܐܵܢܝܼ ܕܡܲܦܠܸܚܝܼ ܐܵܗܵܐ ܥܵܠܡܵܐ؛ ܠܵܐ ܠܒܲܕܲܪ ܡ̣ܢ ܘܵܓ̰ܝܼܒܘܼܬܵܐ ܕܡܲܦܠܲܚܬܵܐ؛ ܣܵܒܵܒ ܕܒܸܥܒܼܵܪܵܐ ܝܠܹܗ ܐܸܣܟܹܝܡܵܐ ܕܐܵܗܵܐ ܥܵܠܡܵܐ. 32ܐܝܼܢܵܐ ܒܸܒܲܥܝܵܐ ܝܘܸܢ ܕܗܵܘܝܼܬܘܿܢ ܕܠܵܐ ܚܲܡܹ̈ܐ. ܗ̇ܘ ܕܠܲܝܬ ܠܹܗ ܒܲܟܼܬܵܐ؛ ܟܹܐ ܐܵܟܹܠ ܚܲܡ ܥܲܠ ܡܸܢܕܝܼ ܕܡܵܪܝܵܐ؛ ܕܵܐܟܼܝܼ ܫܵܦܸܪ ܠܡܵܪܝܵܐ. 33ܘܗ̇ܘ ܕܐܝܼܬ ܠܹܗ ܒܲܟܼܬܵܐ؛ ܟܹܐ ܐܵܟܼܸܠ ܚܲܡ ܥܲܠ ܡܸܢܕܝܼ ܕܥܵܠܡܵܐ؛ ܕܵܐܟܼܝܼ ܕܫܵܦܸܪ ܠܒܲܟܼܬܹܗ. 34ܐܝܼܢܵܐ ܐܝܼܬ ܦܘܼܪܫܘܼܢܝܵܐ ܒܸܝܠ ܒܲܟܼܬܵܐ ܠܒܬܘܼܠܬܵܐ. ܗ̇ܝ ܕܠܓܲܒܼܪܵܐ ܠܵܐ ܗَܘܹܐܠܵܗ̇؛ ܟܹܐ ܚܵܫܒܼܵܐ ܥܲܠ ܡܸܢܕܝܼ ܕܡܵܪܝܵܐ؛ ܕܗܵܘܝܵܐ ܩܲܕܝܼܫܬܵܐ ܒܦܲܓܼܪܘܼܗܿ ܘܒܪܘܼܚܘܼܗܿ. ܘܗ̇ܝ ܕܐܝܼܬ ܠܵܗܿ ܓܲܒܼܪܵܐ؛ ܟܹܐ ܚܵܫܒܼܵܐ ܥܲܠ ܡܸܢܕܝܼ ܕܥܵܠܡܵܐ؛ ܕܵܐܟܼܝܼ ܕܫܵܦܪܵܐ ܠܓܲܒܼܪܘܼܗܿ. 35ܘܐܵܗܵܐ ܠܚܵܝܪ ܕܝܼܵܘܟܼܘܿܢ ܒܹܐܡܵܪܵܐ ܝܘܸܢ؛ ܠܹܐ ܝَܠܵܗ̇ ܕܢܸܫܒܼܵܐ ܒܸܕܪܵܝܵܐ ܝܘܸܢ ܐܸܠܵܘܟܼܘܿܢ؛ ܐܸܠܵܐ ܠܐܵܕܵܒܘܼܬܵܐ؛ ܘܕܗܵܘܝܼܬܘܿܢ ܒܚܸܠܡܲܬ ܠܟܸܣ ܡܵܪܝܵܐ ܕܠܵܐ ܕܘܼܒܵܪܘܼܬܵܐ. 36ܐܝܼܢܵܐ ܐܸܢ ܐَܢܵܫܵܐ ܚܵܫܸܒܼ ܕܦܝܵܫܵܐ ܝܠܹܗ ܡܘܼܣܚܸܪܵܐ ܣܵܒܵܒ ܕܒܬܘܼܠܬܹܗ؛ ܐܸܢ ܥܒܼܸܪܵܐ ܥܕܵܢܘܼܗ̇؛ ܘܠܵܙܸܡ ܝܼܠܵܗ̇ ܕܗܲܕܟܼܐ ܗܵܘܝܵܐ؛ ܐܲܝܟܼ ܕܒܵܣܡܵܐ ܠܹܗ ܥܵܒܼܸܕ؛ ܠܹܐ ܝܠܹܗ ܒܸܚܛܵܝܵܐ؛ ܚܘܼܫ ܓܵܒܼܪܝܼ. 37ܐܝܼܢܵܐ ܗ̇ܘ ܕܩܘܼܝܵܐ ܟܸܠܝܵܐ ܝܠܹܗ ܒܠܸܒܹܗ؛ ܘܠܲܝܬ ܠܹܗ ܐܵܢܵܢܩܹܐ؛ ܘܐܝܼܬ ܠܹܗ ܗܘܼܟܡܵܐ ܥܲܠ ܪܸܙܵܝܹܗ؛ ܘܗܲܕܟܼܵܐ ܩܛܸܥܠܹܗ ܒܠܸܒܹܗ ܕܢܵܛܸܪ ܒܬܘܼܠܬܹܗ؛ ܨܦܵܝܝܼ ܒܸܥܒܼܵܕܵܐ ܝܠܹܗ. 38ܘܗܲܕܟܼܵܐ ܐܘܼܦ ܗ̇ܘ ܕܝܵܗَܒܸܠ ܒܬܘܼܠܬܹܗ؛ ܨܦܵܝܝܼ ܒܸܥܒܼܵܕܵܐ ܝܠܹܗ؛ ܘܗ̇ܘ ܕܠܵܐ ܝܵܗَܒܸܠ ܒܬܘܼܠܬܹܗ؛ ܒܘܼܫ ܨܦܵܝܝܼ ܒܸܥܒܼܵܕܵܐ ܝܠܹܗ. 39ܒܲܟܼܬܵܐ؛ ܟܡܵܐ ܕܚܲܝܹܐ ܓܲܒܼܪܘܿܗܿ؛ ܐَܣܝܼܪܬܵܐ ܝَܠܵܗ̇؛ ܐܝܼܢܵܐ ܐܸܢ ܕܵܡܸܟܼ ܓܲܒܼܪܘܼܗܿ؛ ܐܵܙܵܕ ܝܼܠܵܗ̇ ܕܗܵܘܝܵܐ ܠܡ̇ܢ ܕܒܵܣܡܵܐ ܠܵܗܿ؛ ܐܝܼܢܵܐ ܗܲܪ ܒܡܵܪܲܢ. 40ܐܝܼܢܵܐ ܛܘܼܒܼܵܐ ܐܸܠܵܗ؛ ܐܸܢ ܥܲܪܩܸܠܵܗ̇ ܗܲܕܟܼܵܐ؛ ܐܲܝܟܼ ܚܝܼܵܠ ܕܝܼܝܼ. ܘܒܸܚܫܵܒܼܵܐ ܝܘܸܢ ܕܐܘܼܦ ܐܵܢܵܐ ܪܘܼܚܵܐ ܕܐܲܠܵܗܵܐ ܐܝܼܬ ܠܝܼ.